ഇന്ത്യൻ വനിതാ ക്രിക്കറ്റ് താരം സ്മൃതി മന്ദാനയും സംഗീത സംവിധായകൻ പലാഷ് മുച്ചലും തമ്മിലുള്ള വിവാഹം മാറ്റിവെച്ചതിനെത്തുടർന്നുള്ള ചർച്ചകൾ സോഷ്യൽ മീഡിയയിൽ തുടരുകയാണ്. വിവാഹദിനം തന്നെ സ്മൃതിയുടെ അച്ഛൻ ശ്രീനിവാസ് മന്ദാനയ്ക്ക് ദേഹാസ്വാസ്ഥ്യം അനുഭവപ്പെട്ടതുമൂലമാണ് വിവാഹം മാറ്റിവച്ചത് എന്നായിരുന്നു ആദ്യം പുറത്തുവന്ന റിപ്പോർട്ടുകളെങ്കിലും പിന്നാലെ സ്മൃതിയെ പലാഷ് വഞ്ചിച്ചതാണ് കാരണമെന്ന തരത്തിലുള്ള വാർത്തകളും പുറത്തുവന്നു. പലാഷുമായുള്ള സ്വകാര്യ ചാറ്റുകൾ മേരി ഡി കോസ്റ്റ എന്ന യുവതി പുറത്തുവിട്ടത് അഭ്യൂഹങ്ങൾക്ക് ആക്കംകൂട്ടി.
വിവാഹം മാറ്റിവച്ചതിന് പിന്നാലെ പലാഷുമൊത്തുള്ള വീഡിയോകൾ സ്മൃതി സോഷ്യൽ മീഡിയയിൽ നിന്നു നീക്കം ചെയ്തിരുന്നു. ഇതിനു പുറമേയാണ് പലാശിന്റേതെന്ന പേരിൽ ചില ചാറ്റുകളും സ്ക്രീൻഷോട്ടുകളും പ്രചരിച്ചത്. പുതുക്കിയ വിവാഹതീയതിയെ കുറിച്ച് ഇരുകുടുംബങ്ങളും പ്രതികരിക്കാതെ കൂടി വന്നതോടെ സ്മൃതിയും പലാഷും തമ്മിലുള്ള വിവാഹം ഒരിക്കലും നടക്കില്ലെന്നും അഭ്യൂഹങ്ങളുയർന്നു.
ഇപ്പോഴിതാ സ്മൃതി മന്ദാനയും പലാഷും തങ്ങളുടെ ഇൻസ്റ്റഗ്രാം ബയോയിൽ വരുത്തിയ പുതിയ മാറ്റമാണ് ആരാധകർ ചർച്ച ചെയ്യുന്നത്. ഇരുവരും ‘നസ്സർ (നീലക്കണ്ണ്)' ഇമോട്ടിക്കോൺ ഉപയോഗിച്ചാണ് ഇൻസ്റ്റാഗ്രാം ബയോ അപ്ഡേറ്റ് ചെയ്തിട്ടുള്ളത്. ഈവിൾ ഐയെ തുരത്തുക അല്ലെങ്കിൽ ദൃഷ്ടി പതിയാതിരിക്കുക എന്ന അർഥത്തോടെയാണ് ഇൻസ്റ്റഗ്രാമിൽ പലരും ഈ ചിഹ്നം ഉപയോഗിച്ചുവരുന്നത്.
Indian batter Smriti Mandhana and her fiancé Palash Muchhal have delayed their wedding following a health scare involving her father. Amid circulating social media rumors about their personal lives, the couple updated their Instagram bios with a nazar emoji.🧿 pic.twitter.com/lW7B4w5EES
SMIRITI & PALASH BREAK SILENCE! 🚨Amid rampant social media rumors, Smriti Mandhana and Palash Muchhal have updated their Instagram bios with the 'nazar' emoji (🧿).This subtle, united front confirms their relationship is strong, signaling they want to ward off the 'evil eye'… pic.twitter.com/8rLMhkc5AT
#Swipe | Smriti Mandhana-Palaash Muchhal Wedding Controversy: Smriti Mandhana and Palaash Muchhal’s ongoing wedding controversy has taken social media by storm. What was expected to be one of the biggest celebrity weddings of 2025 has instead turned into a swirl of delay,… pic.twitter.com/KW5Ri6W93E
ഇതോടെ ഇൻസ്റ്റഗ്രാം ബയോയിലെ ഈ അപ്ഡേറ്റ് ചർച്ച ചെയ്യുകയാണ് സോഷ്യൽ മീഡിയ. ഈ പുതിയ മാറ്റം യാദൃശ്ചികമായി സംഭവിച്ചതാണോ അതോ ഇരുവരും ഒരുമിച്ച് തീരുമാനിച്ചാണോ ചെയ്തതെന്ന കാര്യത്തിൽ വ്യക്തതയില്ല. എന്തുതന്നെയായാലും ഇതോടെ ഇരുവരും തമ്മിൽ പ്രശ്നങ്ങൾ ഒന്നുമില്ലെന്ന് ഉറപ്പിച്ചിരിക്കുകയാണ് ആരാധകർ. വിവാഹം ഉടൻ നടക്കുമെന്ന് പ്രതികരിച്ച് പലാഷിന്റെ അമ്മയും രംഗത്തെത്തിയിരുന്നു.
Content Highlights: Smriti Mandhana, Palash Muchhal update Instagram bios amid wedding Postponement